नरेंद्र मोदी


परवाच वर्तमानपत्रात बातमी वाचली कि अहमदाबादच्या BRT प्रकल्पाला जागतिक स्तरावर sustainable transport award जाहीर झाले. हा बहुमान मिळवणारी बहुतेक भारतातील पहिलीच योजना. साहजिकच कुतूहल वाढले आणि एकूणच गुजरातच्या प्रगती बद्दल माहिती मिळवण्यास सुरुवात केली. एक गोष्ट प्रकर्षाने जाणवली की गुजरात सरकारने अथक प्रयत्न करून आपल्या राज्याला प्रगतीच्या पथावर ठेवले आहे. आणि असेही नाही की गुजरातला निसर्गाचे काही वरदान आहे. उलट पावसाचे कमी प्रमाण, भूजचा हाहा:कार माजवणारा भूकंप, आणि जातीय दंगली अश्या पाठीच्या कणा मोडतील अशा घटना घडल्या. पण तरीही गुजरातची प्रगती काही खुंटली नाही. उलट एक आदर्श राज्य म्हणावे अशी परिस्थिती आहे. साहजिकच असे यश खंबीर नेतृत्व असल्याशिवाय मिळणे कठीण. मला वाटते की  श्री नरेंद्र मोदीच ह्या यशाचे खरे शिल्पकार आहेत.

आता नरेंद्र मोदी हे नाव घेतले की लगेच गुजरातची भीषण दंगल आणि त्यांची जहाल भाषणे ह्याच दोन गोष्टी डोळ्यासमोर येतात. पण ह्या वादग्रस्त गोष्टी तूर्तास आपण बाजूला ठेवू आणि मोदींच्या उर्वरित कारकिर्दीकडे जरा नजर टाकू. भूजच्या भूकम्पानंतर काही महिन्यात मोदींनी सत्तेची सूत्रे हातात घेतली. भूजच्या जनतेचे पुनर्वसन हा मोठ्ठा प्रश्न त्यावेळी उभा होता. हजारो लोक बेघर झालेले. मोदी सरकारने अवघ्या ५०० दिवसात पावणे नऊ लाख कुटुंबांचे पुनर्वसन केले. ह्याची दखल खुद्द UN ने घेतली आहे. सध्या भूज हे नवीन पर्यटन स्थळ म्हणून भारताच्या नकाशावर झळकू लागले आहे. गुजरातच्या खेडोपाडी २४ तास वीज पुरवण्यासाठी मोदींनी ज्योतिग्राम योजना राबवली. ही योजना इतकी यशस्वी झाली की गुजरात हे एकमेव राज्य आहे जे १००% गावात वीज पुरवते. नुसती भरवाश्याची वीज आली की राहणीमानात किती फरक पडतो हे खेड्यात राहिल्याशिवाय नाही उमगायचे.

मोदींनी दूरदृष्टी ठेवून गुजरातच्या उत्कर्षासाठी “पञ्चामृत” योजनाच्या नावाखाली कृषी महोत्सव, चिरंजीवी योजना (बाल मृत्यू आटोक्यात आणण्यासाठी), मातृ वंदना, बेटी बचाव (लहान मुलींची भ्रूणहत्त्या थोपवण्यासाठी), कर्मयोगी अभियान (सरकारी कर्मचाऱ्यांसाठी), कन्या कालावणी योजना (स्त्री शिक्षण) आणि बालभोग योजना (विद्यार्थ्यांना दुपारचे जेवण) अश्या ५ योजना नुसत्या जाहीरच केल्या नाही तर यशस्वी पणे राबविल्या. मोदींच्या  टीकाकारांना सुद्धा त्यांचे हे यश नाकारता येत नाही. साहजिकच मोदी हे गुजरातचे लाडके मुख्यमंत्री बनले आणी तीन वेळा विरोधकांच्या नाकावर टिच्चून बहुमताने निवडून आले. ह्या लोकप्रियतेचा आणि प्रसिद्धीचापण त्यांनी लोककल्याणासाठी उपयोग करून घेतला आहे. गेल्या पाच वर्षात नुसत्या Guest appearance साठी त्यांनी २५ कोटी रुपये गोळा केले आणि सर्वच्या सर्व मुख्यमंत्री निधीला अर्पण केले! कमाल आहे नाही?

मोदींचे यश पाहताना साहजिकच प्रश्न मनात येतो, की जे गुजरात मध्ये घडू शकते ते महाराष्ट्रात का नाही घडू शकत? आपल्या नेत्यांची स्वतःच्या  तुंबड्या  भरण्याची सवय मोडणार कधी? नुसत्या महाराष्ट्राच्या अभिमानानाच्या गोष्टी करायच्या ऐवजी महाराष्ट्राला खरच अभिमान वाटेल अशा लोकापरोपकारी गोष्टी ह्यांना कराव्याश्याच वाटत नाही का?

हा लेख लिहिताना wikipedia चा संदर्भ घेतला आहे.

Advertisements

2 thoughts on “नरेंद्र मोदी”

  1. Niranjan,

    I think about this all the time. We are just going to be happy saying ‘We are the best!’. Recently I have read a lot of success stories of water conservation in Gujrat- to the point where people in cities are going back to villages and becoming farmers (reverse-migration).
    But our nagar-sevak, aamdaar, khaasdaar have made a lot of progress – recently someone(forgot the name) declared his personal property at more that 150 millian (as in ‘karod’) Rs- I don’t even know how many zeroes that is.

    Anyway, great going. Keep it up.

    M

    1. मीनाक्षी,
      खरंय तुझं म्हणणं. मी पण गुजरातच्या पाणी संवर्धनाबद्दल वाचलं होतं, पण त्याचा संदर्भ सापडला नाही म्हणून ह्या लेखात लिहिलं नाही. मला वाटतं, सकाळ मध्ये आलं होतं.
      -निरंजन

प्रतिक्रिया व्यक्त करा

Fill in your details below or click an icon to log in:

WordPress.com Logo

You are commenting using your WordPress.com account. Log Out / बदला )

Twitter picture

You are commenting using your Twitter account. Log Out / बदला )

Facebook photo

You are commenting using your Facebook account. Log Out / बदला )

Google+ photo

You are commenting using your Google+ account. Log Out / बदला )

Connecting to %s